عزیزِ مَن محبوب تابش علم و ادب سے گہری وابستگی رکھتے ہیں ۔ وہ اردو اور سرائیکی ، دونوں زبانوں کے شاعر ، ادیب ، نقاد ، محقق اور مترجم ہیں ۔ کتاب سے ان کا عشق مثالی ہے ۔ ان کے پاس ایک شاندار لائبریری ہے جس میں بہت اعلیٰ کتابیں موجود ہیں ۔ وہ مسلم کالج ملتان میں اردو ادب کے استاد ہیں اور بہاءزکریا یونیورسٹی سے پی ایچ ڈی کر رہے ہیں ۔ " نظموں کے درمیان " ان کا اہم فل کا مقالہ ہے ۔ اس میں اردو اور سرائیکی شعراء کا تقابلی مطالعہ پیش کیا گیا ہے ۔ اردو شاعروں میں مجید امجد اور ثروت حسین جب کہ سرائیکی شاعروں رفعت عباس اور اشو لال شامل ہیں ۔ یہ مقالہ 312 صفحات پر مشتمل ہے اور یہ منفرد تحقیقی کام ہے ۔ اس میں اردو اور سرائیکی میں قائم ہوتا ہوا محبت کا رشتہ نظر آتا ہے ۔

منور آکاش میں بھی کمال کر دیا ۔ اس کتاب میں ان کی خوب صورت تحریر " محبوب تابش ، جعلی کتابوں کا عہد اور جدید نظم " شامل ہے ۔ اس تحریر میں محبوب تابش کی تصویر نظر آتی ہے ۔ واقعی محبوب تابش ایسا ہی ہے ۔ محبت کرنے والا اور سچ بولنے والا ۔

بہت شکریہ محبوب تابش صاحب ، مبارک ہو ۔ آپ کی ترقی اور کامرانی کے لیے ڈھیروں دعائیں ۔ سلامت رہیں ۔